Գյումրիում բերման են ենթարկել Հնդկաստանի 2 քաղաքացու. պատճառը կեղծ փողերն են

15:22, 20 հունվարի 2019
CC BY-SA 4.0 / GreenZeb / Banknotes with a total value of 30 000 euro (cropped, resized and color corrected)
Փաստի առթիվ հարուցվել է քրեական գործ՝ ՀՀ քր օր-ի 202 հոդվածի 2-րդ մասի 2-րդ կետի հատկանիշներով:
Sputnik

ԵՐԵՎԱՆ, 20 հունվարի – Sputnik. Գյումրիում ոստիկանները բերման են ենթարկել Հնդկաստանի 2 քաղաքացու։ Նրանք կասկածվում են կեղծ փողեր շրջանառելու մեջ։

Երևանի անտունների կացարանում էլ են «հնդիկներ» բնակվում ու չեն ուզում հեռանալ Հայաստանից
13 հունվարի 2019, 12:46
Ինչպես տեղեկացնում է Shamshyan.com-ը տեղեկություններով՝ օրեր առաջ Գյումրի քաղաքի ոստիկանության Կումայրիի բաժի են բերման ենթարկել Հնդկաստանի Հանրապետության 2 քաղաքացու: Նրանք են՝ 38-ամյա Սուլխվինդեր Սինղը և 32-ամյա Սադիշ Կումարը:

Պարզվել է, որ նշված անձինք վարձակալական հիմունքներով բնակվում են Գյումրի քաղաքի Մ. Ավետիսյան փողոցի շենքերից մեկի բնակարանում, դրան զուգահեռ՝ վարձակալական հիմունքներով շահագործում են նաև Գյումրի քաղաքի 137 շենքի 9-րդ մասնաշենքի 39 և 40 տաղավարները, որտեղ պահում են ԱՄՆ արժույթի կեղծ թղթադրամներ և դրանք պատրաստելու համար նախատեսված առարկաներ ու սարքավորումներ:

Փաստի առթիվ հարուցվել է քրեական գործ՝ ՀՀ քր օր-ի 202 հոդվածի 2-րդ մասի 2-րդ կետի հատկանիշներով:

Վթար, պատահար, սպանություն, գողությունՀայաստանԳյումրի