ԵՐԵՎԱՆ, 19 հունվարի — Sputnik. Հայաստանում սկսել են նվազել բենզինի գները: Այս մասին գրում է «Ժողովուրդ» օրաթերթը:
Այժմ Հայաստանի բենզալցակայաններում ռեգուլյար տեսակի բենզինի մեկ լիտրը վաճառվում է 400 դրամով, պրեմիում տեսակը՝ 420-ով:
«Ժողովուրդ» օրաթերթը բենզինի ներկրմամբ և վաճառքով զբաղվող տնտեսվարողներից տեղեկացել է, որ առաջիկայում այն աստիճանաբար մինչև 50 դրամով էլ կէժանանա:
«Սա հետևանք է միջազգային շուկայում գնային տատանումների, բայց նկատենք՝ նախկինում նման դեպքերում ներքին շուկայի վրա ազդեցություն չէր լինում:
ՀՀ վիճակագրական կոմիտեի տվյալներով՝ նախորդ տարվա դեկտեմբերին, նոյեմբերի համեմատ, բենզինի և դիզելային վառելիքի գների մակարդակը նվազել է համապատասխանաբար 2.9 և 2.4 տոկոսով»,-գրում է թերթը:
Նյութն ամբողջությամբ կարդացեք թերթի այսօրվա համարում: