ԵՐԵՎԱՆ, 18 հունվարի — Sputnik. «Ժամանակ» թերթի տվյալներով` Ավետ Ադոնցը կնշանակվի ԱԳ փոխնախարարի պաշտոնում։
«ՀՀ ԱԳ նախարար Զոհրաբ Մնացականյանը մտադիր է ԱԳ փոխնախարարի պաշտոնում նշանակել տալ Ավետ Ադոնցին, ով վերջերս է դիվանագիտական առաքելությունն ավարտել Իսպանիայում»,–գրում է թերթը և հիշեցնում, որ Ադոնցի անունը կապվում է մի շարք աղմկահարույց պատմությունների հետ, մասնավորապես՝ Ադոնցն իր պաշտոնն օգտագործում էր կոմերցիոն նպատակներով:
«Չնայած դրան՝ Մնացականյանը երկու ոտքը դրել է մի կոշիկի մեջ և պնդում է, որ ԱԳ փոխնախարար պետք է նշանակվի հենց Ադոնցը»,–գրում է թերթը:
Հիշեցնենք, որ Ավետ Ադոնցը 2007թ. ԱԺ պատգամավոր էր ընտրվել ԲՀԿ-ից և հետագայում դիվանագիտական կարիերան սկսեց ԲՀԿ քվոտայով: