ԵՐԵՎԱՆ, 17 հունվարի — Sputnik. Հայաստանի հավաքականի ու լոնդոնյան «Արսենալի» կիսապաշտպանը հաջորդ շաբաթվանից կսկսի լիարժեք մարզումները։ Այս մասին հայտնում է ակումբի մամուլի ծառայությունը։
Ավելի վաղ Մխիթարյանը «Տոտենհեմի» հետ հանդիպման ժամանակ ոտնաթաթի վնասվածք էր ստացել։ Ֆուտբոլիստը ձեռնափայտերով էր տեղաշարժվում ու առնվազն մինչև փետրվար շարքից դուրս է եկել։
Այնուամենայնիվ հայ ֆուտբոլիստը չի մասնակցելու հունվարի 19–ին կայանալիք «Չելսիի» դեմ խաղին Անգլիայի ընթացիկ առաջնությունում։
Հիշեցնենք` ավելի վաղ ԶԼՄ–ներում տեղեկություն էր հայտնվել այն մասին, որ ձմեռային տրանսֆերային պատուհանի ժամանակ «Արսենալը» նախատեսում է վարձակալել «Բարսելոնայի» կիսապաշտպան Դենիս Սուարեսին ամռանը 25 միլիոն ֆունտ ստեռլինգով գնելու հնարավորությամբ։ Միաժամանակ, բրիտանական լրատվամիջոցները պնդում են, որ Սուարեսի ձեռքբերումը կարող է հանգեցնել Հենրիխ Մխիթարյանի վաճառքին։ Նաև հայտնում էին, որ նրանով հետաքրքրված են իտալական «Միլանն» ու ռուսական «Զենիթը»։