Ինֆորմացիայի ազատության կենտրոնի հիմնադիր նախագահ Շուշան Դոյդոյանը Sputnik Արմենիայի եթերում ասում է, որ նոր կառավարությունը խնդիր ունի քաղաքացիներին և լրագրողներին ժամանակին ամբողջական պատշաճ տեղեկատվություն տրամադրելու հարցում։ «Հատկապես հարցումներին պատասխանելու ժամկետների առումով լուրջ խնդիրներ էին ծագում։ Վիճակագրությունը շատ մոտեցել էր 10 տարի առաջվա վիճակագրությանը։
Դա պայմանավորում ենք 2 հանգամանքով։ Նախ, որ կադրերի լուրջ արտահոսք և ներհոսք էր տեղի ունեցել։ 2–րդը ծավալի հետ է կապված։ Այսինքն` մի քանի անգամ շատացել էին հարցումները դիմումները, որոնցով մարդիկ դիմում են պետական կառավարման տարբեր մարմիններ»,–ասում է Դոյդոյանը։
Նրա խոսքով` օգոստոս–սեպտեմբեր ամիսներին որոշակի փոփոխություն գրանցվեց, բոլոր հարցումներին պատասխան տրվում էր, մինչդեռ հունիս–հուլիսին նույն պատկերը չէր, սակայն պատասխանների որակը մտահոգիչ էր։ «Դրանք թերի կիսատ կամ լղոզված պատասխաններ էին։ Ասենք` լրագրողները մի քանի հարցեր էին ուղղում, բայց պատասխանում էին այն հարցերին, որոնց ձեռնտու է պատասխանել»,–նշում է Դոյդոյանը։