Ավստրիայում արտասովոր դեպք է տեղի ունեցել: Գնացքի մեքենավարը ստիպված կանգ է առնել, որովհետև ճանապարհը ձյունով է ծածկված եղել։
Մինչ երկաթուղայինները մաքրել են ձյունը, մեքենավարը հանկարծ նկատել է, որ ձյան տակ ինչ–որ բան է շարժվում։ Մի քանի բահի շարժում, ու պարզվել է, որ ձյան ծուղակում է հայտնվել վայրի այծը։
Վախեցած կենդանին միանգամից փախել է, իսկ մարդիկ ուրախացել են, որ փրկել են դժբախտ այծին։