ԵՐԵՎԱՆ, 11 հունվարի — Sputnik. Պապարացիները հայտնի մոդել Վիկտորյա Լոպիրյովային «որսացել» են իր երեխայի հոր ուղեկցությամբ։ Այս մասին հայտնում է Hello պարբերականը։
Վիկտորյային սիրեցյալի հետ նկարել են Մայամիի լողափերից մեկում։ Լոպիրևան համբուրվել ու գրկախառնվել է մի տղամարդու հետ և ուշադրություն չի դարձրել լրագրողներին։
Դատելով լուսանկարներից` Լոպիրևայի կողակիցը Իգոր Բուլատովն է, որը «Տաշիր» ընկերությունների խմբի առաջին փոխնախագահն է։ Նա Սամվել Կարապետյանի դուստր` Տաթևիկ Կարապետյանի ամուսինն է։ Տաթևիկը «Տաշիրի» համասեփականատերն է։
Սակայն ընկերության կայքում Իգոր Բուլատովի անունը փոխնախագահների շարքում չի նշվում։ Տաթևիկ Կարապետյանի Instagram–յան էջում ամուսնու հետ լուսանկարներ չկան։ Զույգը երկու երեխա ունի, կրտսեր դուստրը 7 ամսական է։
Դեկտեմբերի սկզբին Լոպիրևան հայտարարել էր, որ երեխա է ունենալու։ Նա չէր ասել` ով է երեխայի հայրը։