ԵՐԵՎԱՆ, 10 հունվարի – Sputnik. Երեկ՝ հունվարի 9-ին, ողբերգական դեպք է տեղի ունեցել Արմավիրի մարզում։ Ժամը 23։20-ի սահմանում Էջմիածին քաղաքի Շահումյան փողոցի բնակիչ, 46-ամյա Արմեն Մնացականյանն իր վարած Kavasaki մակնիշի CC 555 համարանիշի մոտոցիկլետով Էջմիածին քաղաքի Շահումյան փողոցի 73 հասցեի դիմաց դուրս է եկել ճանապարհի երթևեկելի գոտուց, բախվել մայթեզրի բազալտե հատվածներին,այնուհետև առաջ ընթանալով՝ բախվել էլեկտրասյանը։
Ինչպես հայտնում է shamshyan.com–ը, Մնացականյանը մոտոցիկլետով կողաշրջվել է և տեղում մահացել։
Քննիչի հանձնարարականով մոտոցիկլետը տեղափոխվել է Ոստիկանության Վաղարշապատի բաժնի հատուկ պահպանվող տարածք։