ԵՐԵՎԱՆ, 8 հունվարի — Sputnik. Հայաստանի Վերաքննիչ և Վճռաբեկ դատարանները համաներում կիրառելու և անձին պատժից ազատելու հնարավորություն չեն ունենում: Այս եզրակացության է հանգել ՀՀ Մարդու իրավունքների պաշտպանը (ՄԻՊ)` ուսումնասիրելով իրեն հասցեագրված բողոքը։ Այս մասին նշված է ՄԻՊ–ի ֆեյսբուքյան էջում։
Ըստ Արման Թաթոյանի, այս բացի հետևանքով նույն հանցանքի կատարման մեջ մեղադրվող անձը մի դեպքում կարող է ամբողջությամբ ազատվել պատժից, մեկ այլ դեպքում՝ ոչ։
Այս հիմքով պաշտպանը դիմել է Սահմանադրական դատարան՝ արձանագրելով, որ օրենքի բացի հետևանքով, առաջանում է օրենքի առաջ հավասարության և խտրականության արգելքի խախտում։
Բացի այդ, դա հակասում է սահմանադրությանն ու ՀՀ վավերացրած՝ մարդու իրավունքների վերաբերյալ միջազգային պայմանագրերի հիման վրա գործող մարմինների պրակտիկան հաշվի առնելու սահմանադրական սկզբունքներին։