ԵՐԵՎԱՆ, 6 հունվարի –Sputnik. Yandex տաքսու վարորդը վճարային քարտի հետ կապված խնդրի պատճառով դանակով հարձակվել է ուղևորի վրա։ Այս մասին հայտնում է Mash տելեգրամ ալիքը։
Պարբերականի տվյալով` 33-ամյա Անդրեյ Ստեշկոն երեկ կեսգիշերին որոշել է տուն վերադառնալ տոնախմբությունից հետո և տաքսի է պատվիրել։ Տեղ հասնելուն պես վճարային քարտի հետ կապված բարդություններ են առաջացել։ Վարորդը` Արտյոմ Հարոյանը, պահանջել է, որ ուղևորը կանխիկ գումար տա, իսկ Անդրեյի մոտ գումար չի եղել։
Վարորդն ասել է, որ գործատու չունի, ինքն է իր տերը, ու հանել է դանակը։
Ուղևորը վնասվածք է ստացել։ Նրան շտապօգնության մեքենայով հիվանդանոց են տեղափոխել։ Իսկ Հարոյանին բերման է ենթարկել ոստիկանությունը։