ԵՐԵՎԱՆ, 5 հունվարի — Sputnik. Դեկտեմբերի 30-ից հունվարի 5-ն ընկած ժամանակահատվածում արցախա-ադրբեջանական առաջնագծում հակառակորդը հրադադարի պահպանման ռեժիմը խախտել է ավելի քան 125 անգամ: Այս մասին հաղորդում են Արցախի Պաշտպանության նախարարության մամուլի ծառայությունից:
Այդ ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ հակառակորդն արձակել է շուրջ 1000 կրակոց:
ՊԲ առաջապահ զորամասերը խստորեն հետևում են հրադադարի պահպանման ռեժիմին և շարունակում վստահորեն իրականացնել մարտական հերթապահություն: