ԵՐԵՎԱՆ, 29 դեկտեմբերի –Sputnik. Ռուսական «Ձայնը» նախագծում Բաստայի թիմից Շահեն Հովհաննիսյանն անցավ եզրափակիչ` հիանալի կատարելով «Դռնապահներին» երգը «Բումբոքս» խմբի երգացանկից։
Շահենը խոստացել էր զարմացնել հանդիսատեսին` «իր կատարողական վարպետության այլ սահման» ցուցադրելով։
«Խոստանում եմ, որ սրտանց եմ երգելու, քանի որ այլ կերպ ես այդ երգը կատարել չեմ կարող», – կուլիսներում ասել էր երաժիշտը։
Նրան հաջողվեց զարմացնել և տպավորել հանդիսատեսին։ Շահենի օգտին քվեարկեց ոչ միայն մարզիչը` հնարավոր 100-ից 60 միավոր շնորհելով նրան, այլև հանդիսատեսը։
Շահենի կատարումը հատկապես հուզել էր ժյուրիի անդամ Անի Լորակին, որը վստահություն հայտնեց, որ երիտասարդը մեծ ապագա ունի նաև երաժշտական շոուի սահմաններից դուրս։