ԵՐԵՎԱՆ, 29 դեկտեմբերի — Sputnik. Հանդիպում ՀՀ վարչապետի պաշտոնակատար Նիկոլ Փաշինյանի հետ
Արցախի նախագահ Բակո Սահակյանը հանդիպում է ունեցել Հայաստանի Հանրապետության վարչապետի պաշտոնակատար Նիկոլ Փաշինյանի հետ:
Ինչպես տեղեկացնում են Արցախի նախագահի մամուլի ծառայությունից, հանդիպումը տեղի է ունեցել երեկ` դեկտեմբերի 28-ին, երեկոյան Երևանում։
Քննարկվել են ՀՀ և ԱՀ տարբեր ոլորտներում փոխգործակցությանը վերաբերող մի շարք հարցեր:
Հայկական երկու հանրապետությունների ղեկավարները ամփոփել են 2018 թվականի արդյունքները և հատուկ անդրադարձ կատարել 2019 թվականին սոցիալ-տնտեսական ոլորտում համատեղ ռազմավարական ծրագրերի իրականացման խնդիրներին: