ԵՐԵՎԱՆ, 27 դեկտեմբերի — Sputnik. Ռուս գրող և հրապարակախոս Իգոր Մոլոտովն իր տելեգրամ ալիքում պատմել է հայ վարորդի մասին և հրապարակման մեջ նշել է նաև Sputnik–ի և RT–ի գլխավոր խմբագիր Մարգարիտա Սիմոնյանին։
Լրագրողը պատմել է, որ աշխատանքից հետո RT–ի գրասենյակից դուրս է եկել ու նստել տաքսի, որի վարորդը զրուցասեր երիտասարդ հայ է եղել։ Ստորև ներկայացնում ենք նրա պատմությունը։
...Դե ամեն ինչ հասկանալի է. երեք ամիս Մոսկվայում, անկրկնելի ակցենտ և նորեկի լավատեսություն։
– Եղբայր, սա ստուդիա է։ Ես ընդհանրապես է գիտեմ` սա Russia Today–ն է։
– Դե հա,–ասում եմ,– հեռուստաընկերությունն այստեղ է։
– Ես գիտեմ, եղբայր։ Այստեղ մեր հայն է աշխատում` Սիմոնյանը։
– Այո՞։
Եվ խորամանկորեն նայեցի նրան` ակնկալելով լսել «յոթ պորտ» ազգականության մասին հոգեցունց պատմություն լսել։ Հեքիաթներ` աբխազական ձևով։
– Դե հա։ Ես գիտեմ, եղբայր։ Ինքս հայ եմ, Հայաստանից եմ։
– Նա Կրասնոդարից է։
– Կրասնոդարն էլ է Հայաստան։ Երբ այստեղ էի գալիս, մերոնք ասում էին, որ փողերը բահով եմ հավաքելու։
– Հավաքո՞ւմ ես։
– Ի՞նչ հավաքել։ Տաքսի քշելով ոչ մի բան չես աշխատի։ Մտածեցի, որ ամեն ինչ կարող եմ անել, կարող եմ գնալ Սիմոնյանի մոտ։ Ի՞նչ ես կարծում, կվերցնի՞։
– Ես այդ Թրամփին էլ կարող եմ սպանել։ Ուզո՞ւմ ես։
– Դա կլինի ամենալավ ռեպորտաժը։
Լրագրողին հաստատ զվարճացրել է այս դեպքը, և նա մի քանի ուրախ սմայլիկներ է դրել պատմության վերջում, Սիմոնյանին էլ Թինա Կանդելակիի ոճով ուղերձ է հղել։
«Ահա, ջանա, այսպիսի աշխատակիցներ են կորչում», – եզրափակել է Մոլոտովը։
Հիշեցնենք, որ երեկ Մարգարիտա Սիմոնյանը գլխավորել է 2018թ–ին ամենից շատ մեջբերվող ռուս լրագրողների ցանկը։