Թունյան. «Որպեսզի երկրում առաջընթաց լինի, պետք է կատարվեն նաև ոչ պոպուլյար քայլեր»
© Sputnik
Որպեսզի տնտեսության մեջ կամ առհասարակ երկրում ինչ-որ բան առաջ շարժվի, անհրաժեշտ է լինում անել նաև ոչ պոպուլյար քայլեր: Այս մասին Sputnik Արմենիայի հետ զրույցում ասաց տնտեսագետ Բաբկեն Թունյանը:
«Իսկ ոչ պոպուլյար քայլեր կարող է կատարել միայն այն իշխանությունը, որն ունի բավարար լեգիտիմություն. այստեղ խնդիրը միայն հասարակության հետ կոմունիկացիան պահելն է» ,- մանրամասնեց տնտեսագետը:
Ըստ Թունյանի՝ իշխանությունը պետք է ժողովրդին բացատրի և հիմնավորի, որ սա պետք է, այսինքն ամենակարևորը հանրության հետ ճիշտ կոմունիկացիա ունենալն է: