ԵՐԵՎԱՆ, 25 դեկտեմբերի — Sputnik. Ոստիկանությունը Հայաստանը լքելու պահին բռնել և ձերբակալել է Տավուշում մոր և որդու սպանության մեջ կասկածվողին։
Ինչպես տեղեկացնում են Ոստիկանության մամուլի ծառայությունից, ձեռնարկած օպերատիվ-հետախուզական լայնածավալ միջոցառումների շնորհիվ, սպանություն կատարելու կասկածանքով, Հայաստանը լքելու պահին հայտնաբերվել և բերման է ենթարկվել մեկ անձ, որը ձերբակալվել է:
Հիշեցնենք, որ դեկտեմբերի 24-ին, ժամը 10.50-ին, ոստիկանության Տավուշի բաժնում հաղորդում էր ստացվել, որ Բերդ քաղաքի Ուտիքի փողոցի տներից մեկում մայր ու որդու էին սպանել:
Մեկնած օպերատիվ խումբը պարզել էր, որ դեկտեմբերի 23-ի ժամը 21.30-ից դեկտեմբերի 24-ի ժամը 10.30-ն ընկած ժամանակահատվածում սուր կտրող-ծակող գործիքով սպանել են 57-ամյա տղամարդու և 87-ամյա կնոջ:
Նշանակվել է դատաբժշկական փորձաքննություն։
Փաստի առթիվ ՀՀ քրեական օրենսգրքի 104 հոդվածի 2-րդ մասի 1-ին կետի հատկանիշներով հարուցվել էր քրեական գործ:
Կալանավորված երիտասարդը կասկածվում է վերոնշյալ սպանության մեջ։ Ոստիկանությունը խոստանում է տրամադրել լրացուցիչ ինֆորմացիա: