Չարխչյան. «Ծայրահեղացրած կլինեմ, եթե ասեմ, թե Մշակույթի նախարարությունն ավելորդ օղակ էր»
© Sputnik
Հարցն այն է, թե արդյո՞ք Մշակույթի նախարարությունը լիարժեքորեն կատարում էր այն գործառույթները, որ պիտի կատարեր: Խոսելով Մշակույթի նախարարության հնարավոր փակման պատճառների և այդ նախաձեռնության ճիշտ կամ սխալ լինելու մասին` Sputnik Արմենիայի եթերում ասաց գրող, հրապարակախոս Հովիկ Չարխչյանը:
«Նախարարությունը պիտի նախ հստակեցներ իր գործառույթները՝ ինչի՞ համար է ինքը կոչված, ի՞նչ անելիքներ ունի մեր պետության ներսում»,-մանրամասնեց Չարխչյանը:
Նրա կարծիքով` Հայաստանում մշակույթն առանձնապես մեծ վնասներ չի կրի, եթե այդ ոլորտը համակարգող կառույցը դադարի լինել նախարարություն: