Վերլուծելով հայ-իրանական հարաբերությունների ներկա վիճակը` այսօր Sputnik Արմենիայի եթերում ասաց իրանագետ Վարդան Ոսկանյանը։
«Նախ Հայաստանում նոր իշխանությունների ձևավորման խնդիր կար, իսկ Իրանի համար Հայաստանում տեղի ունեցածը հասկանալու խնդիր։ Բայց, կարծում եմ, որոշակի տեղաշարժ արդեն նկատվել է։ Հատկապես պետք է արձանագրել ՄԱԿ–ում տեղի ունեցած ՀՀ վարչապետի և Իրանի նախագահի հանդիպումը, որի ընթացքում մի քանի կարևոր ուղղություններ նախանշվեցին։ Մասնավորապես կարևոր է, որ Հայաստանը շարունակում է Իրանի համար մնալ կարևոր օղակ Պարսից ծոցը Սև ծովին կապելու ծրագրի շրջանակում, ինչը հստակ ուղերձ էր դեպի մեր երկիր»,–ասում է Ոսկանյանը։
Իրանագետի խոսքով` մյուս կարևոր հանգամանք Միացյալ Նահանգների պատժամիջոցների հետ կապված Հայաստանի դիրքորոշումներն են և այն ռիսկերը, որ առաջացել Հայաստան–Իրան հարաբերություններում։ «Շատ կարևոր է, որ Հայաստանը մշտապես շեշտում է հայ-իրանական հարաբերությունների կենսական լինելը։ Սա նաև պետք է գործնականում երևա»,–նշում է մեր զրուցակիցը։