Աշխարհի կրկնակի չեմպիոն Եվգենյա Մեդվեդևային (հոր կողմից՝ Բաբասյան) բազում ծաղիկներ են նվիրել Ռուսաստանի գեղասահքի առաջնության ազատ ծրագրից հետո։ Այս մասին հայտնում է ՌԻԱ Նովոստին։
Մեդվեդևայի սահելուց հետո երկրպագուները հարյուրավոր ծաղիկներ ու մի մեծ արջ են նետել սառույցին։ Սառցադաշտը մոտ հինգ րոպե մաքրել են ծաղիկներից։
Մեդվեդևան առաջատարների շարքում էր հայտնվել մինչ մրցակիցների ելույթները։ Նրանք մրցում են Եվրոպայի ու աշխարհի առաջնություններում Ռուսաստանի հավաքականի կազմում ելույթ ունենալու համար։
Ավելի վաղ նա անհաջող ելույթ էր ունեցել նաև կարճ ծրագրում։