ԵՐԵՎԱՆ, 21 Դեկտեմբեր — Sputnik. Վիեննայի կենտրոնում ստացած հրազենային վերքերից զոհվել է մեկ մարդ:
Այս մասին տեղեկացնում է ՌԻԱ Նովոստին: Ըստ լրատվամիջոցի՝ ևս մեկը տեղափոխվել է հիվանդանոց:
Ավելի վաղ ոստիկանության ներկայացուցիչը հայտնել էր, որ առնվազն երկու մարդ վերքեր են ստացել Վիեննայի կենտրոնի Figlmuller ռեստորանի մոտ տեղի ունեցած հրաձգության հետեւանքով:
«Այժմ ոստիկանությունը փնտրում է հանցագործին: Տեղի ունեցածի պատճառները պարզվում են»,-ասել է ոստիկանության ներկայացուցիչը:
Արտակարգ պատահարի վայրում աշխատում են շտապ օգնության բրիգադները եւ Ավստրիայի հատուկ նշանակության հակաահաբեկչական ստորաբաժանումը, իսկ երկնքում ոստիկանության ուղղաթիռներ կան: