ԵՐԵՎԱՆ, 21 դեկտեմբերի – Sputnik. Երևան քաղաքի ընդհանուր իրավասության դատարանն այսօր՝ դեկտեմբերի 21–ի երեկոյան, որոշել է գրավի դիմաց ազատ արձակել գեներալ Մանվել Գրիգորյանին։ Այս մասին հայտնում է aravot.am–ը։
Խափանման միջոց կալանքը փոխվել է 25 մլն դրամ գրավի դիմաց։
Պաշտպանական կողմի միջնորդությունը բավարարել է Երևան քաղաքի ընդհանուր իրավասության դատարանի դատավոր Դավիթ Բալայանը:
Հիշեցնենք` ԱԱԾ-ն հունիսի 17-ին տեսանյութ էր հրապարակել` ներկայացնելով ՀՀ Արմավիրի մարզի Արշալույս գյուղի Լճափնյա փողոցում գտնվող, Մանվել Գրիգորյանին սեփականության իրավունքով պատկանող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան կատարված խուզարկության արդյունքները:
Մանվել Գրիգորյանը մեղադրվում է ապօրինի կերպով ռազմամթերք ձեռք բերելու և պահելու, ինչպես նաև առանձնապես խոշոր չափերով գույք հափշտակելու մեջ։ Դատարանը երեք անգամ երկարաձգել էր նրա կալանքի ժամկետը: