ԵՐԵՎԱՆ, 20 դեկտեմբերի — Sputnik. Այսօր հրաժարականի դիմում է ներկայացրել Հայաստանի պետական տնտեսագիտական համալսարանի ռեկտոր Կորյուն Աթոյանը և, սեփական դիմումի համաձայն, ազատվել է ռեկտորի պաշտոնից։
Այս մասին հայտնել է ՀՀ կրթության և գիտության նախարարության հասարակայնության հետ կապերի և տեղեկատվության բաժնի պետ Արթուր Բաղդասարյանը։
Հայաստանի պետական տնտեսագիտական համալսարանի ռեկտորի պաշտոնակատար է նշանակվել նույն բուհի դասախոս Ռուբեն Հայրապետյանը։ Նշենք, որ նա 32 տարեկան է։
Ռուբեն Հայրապետյանը գրառում է կատարել իր ֆեյսբուքյան էջում՝ շնորհակալական խոսքեր հայտնելով իր ուսանողներին։
Նշենք, որ Կորյուն Աթոյանը Հայաստանի պետական տնտեսագիտական համալսարանի ռեկտորի պաշտոնը զբաղեցնում է 2011 թվականից: Նա տնտեսագիտության դոկտոր , պրոֆեսոր։