Սարգսյան. «Եթե հավաքվեն շատ ստորագրություններ, կողմ կլինեմ քաղաքապետի հրաժարականին»
© Sputnik
«Ինչ վերաբերվում է Արարատի քաղաքապետի դեմ ձևավորված բողոքին, ինքն անձամբ ասել է բողոքող երիտասարդներին` բերեք 4000 ստորագրություն, և ես պատրաստ եմ հրաժարական տալ»,–ասաց Սարգսյանը։
Մարզպետը նորմալ է համարում բողոքի ակցիաների կազմակերպումը և հավելում, որ եթե հավաքվեն բազմաթիվ մարդկանց ստորագրություններ, որոնք պահանջում են ղեկավարի հրաժարականը, ինքը կողմ կլինի հրաժարականին։
Գարիկ Սարգսյանը իր պաշտոնավարման 6 ամսվա ընթացքում Արարատի քաղաքապետի աշխատանքը գնահատում է բավարար, բայց նշում, որ գնահատական պետք է տան ոչ թե մարզպետը կամ համայնքի ղեկավարը, այլ մարզի բնակիչները։