Աթենքի հեռուստաալիքի շենքի մոտ ռումբ է պայթել

Աթենքում Skai TV հեռուստաալիքի շենքի մոտ այս գիշերը ռումբ է պայթել։
Sputnik

ԵՐԵՎԱՆ, 17 դեկտեմբերի — Sputnik. Աթենքում Skai TV հեռուստաալիքի շենքի մոտ ռումբ է պայթել։ Այս մասին հայտնում է Greekreporter պարբերականը։

Պարբերականի տվյալներով` ինքնաշեն պայթուցիկ սարքը պայթել է տեղական ժամանակով ժամը 2.35–ին (հայկական ժամանակով 4.35–ին)։

Անհայտ անձը նախապես հայտնել է պայթյունի մասին։ Պայթյունից 45 րոպե առաջ զգուշացնող զանգ է եղել Zougla կայքի ու Antenna հեռուստաալիքի խմբագրություններ, ոստիկանությունը միանգամից շրջափակել է շրջանը։

Բարեբախտաբար, ոչ ոք չի տուժել։