ԵՐԵՎԱՆ, 15 դեկտեմբերի – Sputnik. Երկու զինծառայող ծանր վիճակում Ստեփանակերտից Երևանի «Մուրացան» զինվորական հոսպիտալ են տեղափոխվել։ Sputnik Արմենիային տեղեկությունը հաստատեցին հոսպիտալում։
Երկուսի վիճակն էլ կայուն ծանր է։ Մեկը վնասվածքներ է ստացել ականի պայթյունից, մյուսը` հրազենից։ Զինծառայողներից մեկը վնասվածքներ ունի որովայնի շրջանում, մյուսը` դեմքի հատվածում, նրա ձախ սրունքն անդամահատել են։
Պաշտպանության ոլորտի աղբյուրն էլ Sputnik Արմենիային հայտնեց, որ զինծառայողները վնասվածքներ են ստացել ականի պայթյունից։
Մեր տեղեկություններով` դեպքը տեղի է ունեցել մի քանի օր առաջ։