ԵՐԵՎԱՆ, 14 դեկտեմբերի — Sputnik. Ադրբեջանը Հայաստանի հետ սահմանին տեղակայված ԶՈւ ստորաբաժանումների (Ղազախի և Աղստաֆի շրջաններում) մի մասը կփոխարինի սահմանապահ զորքերով, հաղորդում են ադրբեջանական ԶԼՄ–ները` հղում անելով երկրի սահմանապահ զորքերի հրամանատար Էլչին Գուլիևեին։
«Սահմանապահ զորքերը հսկեն դիրքերը և ռազմական օբյեկտները Հայաստանի հետ սահմանին` Ղազախի և Աղստաֆի շրջաններում», – հայտարարել է Գուլիևը պետական սահմանային ծառայության հաշվետու խորհրդակցությունում։
Նման որոշումը նա բացատրել է սահմանապահ ուժերի բարձր մարտունակությամբ և հագեցվածությամբ։
«Ընդունված որոշումը թույլ կտա ուժեղացնել Ադրբեջանի ԶՈւ ստորաբաժանումների մարտունակությունը, նոր պահեստային զորամասերի ստեղծել», – ասել է Գուլիևը։
Ղազախի և Աղստաֆի շրջաններից բացի Հայաստանին սահմանակից են նաև Ադրբեջանի Թովուզի, Գեդաբեյի և Դաշքեսանի շրջանները։