ԵՐԵՎԱՆ, 13 դեկտեմբերի- Sputnik. Արցախի Հանրապետության պաշտպանության բանակի հրամանատար, գեներալ-լեյտենանտ Լևոն Մնացականյանն իր պաշտոնից ազատվելու մասին դիմում չի գրել:
Այս մասին Tert.am-ի հետ զրույցում ասել է Լևոն Մնացականյանը:
Ի պատասխան հարցին, թե լուրեր են շրջանառվում իր պաշտոնանկության վերաբերյալ, Լևոն Մնացականյանն արձագանքել է. «Ես դեռ ոչնչից տեղյակ չեմ: Ես իմ պաշտոնից ազատվելու դիմում չեմ գրել»:
Իր հերթին Sputnik Արմենիայի հետ զրույցում, պատասխանելով որոշ պաշտոնյաների պաշտոնաթողությանը վերաբերող շրջանառվող լուրերի մասին հարցին, Արցախի նախագահ Բակո Սահակյանի մամուլի քարտուղար Դավիթ Բաբայանը հորդորեց առաջնորդվել պաշտոնական հաղորդագրություններով:
«Ես խորհուրդ եմ տալիս առաջնորդվել պաշտոնական հաղորդագրություններով: Բացեք մեր պաշտոնական կայքը, տեսեք՝ կա՞ նման բան, թե՞ ոչ»,-ասաց Դավիթ Բաբայանը: