ԵՐԵՎԱՆ, 13 դեկտեմբերի — Sputnik. Արցախի նախագահ Բակո Սահակյանը հանդիպում է ունեցել ՀՀ վարչապետի պաշտոնակատար Նիկոլ Փաշինյանի հետ։
Այս մասին տեղեկացնում է Արցախի նախագահի մամուլի ծառայությունից։
«Նախագահ Բակո Սահակյանը այսօր`դեկտեմբերի 13-ին, Երևանում հանդիպում է ունեցել Հայաստանի Հանրապետության վարչապետի պաշտոնակատար Նիկոլ Փաշինյանի հետ:
Քննարկվել են հայկական երկու հանրապետությունների ներքին և արտաքին քաղաքականությանը, անվտանգությանը, Արցախի Հանրապետության և Հայաստանի Հանրապետության 2019 թվականի պետական բյուջեների ձևավորմանը վերաբերող մի շարք հարցեր»,–ասված է հաղորդագրության մեջ:
Հիշեցնենք, որ Նիկոլ Փաշինյանի և Բակո Սահակյանի վերջին հանդիպումը տեղի էր ունեցել նոյեմբերի 5–ին, Արցախում։