ԵՐԵՎԱՆ, 12 դեկտեմբերի — Sputnik. ՀՀ պաշտպանության նախարարությունը հերքում է այն լուրը, որ ինքնասպանության փորձ կատարած քաղաքացին ՀՀ ՊՆ զինծառայող է։
«Մի շարք լրատվամիջոցների տարածած տեղեկատվությունը, թե դեկտեմբերի 11-ին ինքնասպանության փորձ կատարած 26-ամյա Վարդան Շահնազարյանը ՀՀ ՊՆ զորամասերից մեկի ծառայող է, չի համապատասխանում իրականությանը: Վ. Շահնազարյանը ՀՀ ՊՆ զինծառայող չէ»,–ասված է հաղորդագրության մեջ:
Հիշեցնենք, որ այսօր տեղեկություն տարածվեց, որ դեկտեմբերի 11-ին, մարզերից մեկում 26-ամյա Վարդան Շահնազարյանն ինքնասպանության փորձ է արել և որ նա ՀՀ ՊՆ զորամասերից մեկի ծառայող է։
Պարզվել էր, որ Վարդան Շահնազարյանը իրենց տանը 16 մմ տրամաչափի մեկփողանի ողորկափող որսորդական հրացանից կրակել է իր վրա՝ փորձելով ինքնասպան լինել։