ԵՐԵՎԱՆ, 11 դեկտեմբերի — Sputnik. Ճշմարտության համար տուժած լրագրողների խումբը, այդ թվում` սպանված սաուդցի լրագրող Ջամալ Հաշուկջին, դարձել են «2018թ–ի տարվա մարդ»` Time ամսագրի վարկածով։
Հաշուկջիից բացի «Տարվա մարդ» կոչման են արժանացել երեք լրագրող և ամերիկյան Capital Gazette թերթը։
ԱՄՆ–ի նախագահ Դոնալդ Թրամփը երկրորդ տեղն է զբաղեցրել «2018թ–ի տարվա մարդ» ցուցակում` Time–ի վարկածով, նրան հետևում է ԱՄՆ–ի ընտրություններում «ռուսական միջամտության մասին» գործով հատուկ դատախազը։
«Առաջին անգամ մենք տարվա մարդ ենք ընտրել նրան, ով արդեն ողջ չէ», – հայտարարել է Time–ի գլխավոր խմբագիրը, հաղորդում է ՌԻԱ Նովոստին։
Հիշեցնենք, որ ընդդիմադիր լրագրողն անհետացել էր Ստամբուլում երկրի հյուպատոսություն մուտք գործելուց հետո:
Թուրքական ոստիկանության վարկածի համաձայն՝ լրագրողը սպանվել է Ստամբուլում Սաուդյան Արաբիայի հյուպատոսության շենքի ներսում: Մինչդեռ հյուպատոսարանից հայտնում էին, թե Խաշոգջին կորել է հյուպատոսության շենքից դուրս գալուց հետո:
Ավելի ուշ Սաուդյան Արաբիան հաստատել է, որ լրագրողը մահացել է. ըստ այդմ՝ դա տեղի է ունեցել հյուպատոսության ներսում ծագած վեճի հետևանքով: