ԵՐԵՎԱՆ, 10 դեկտեմբերի — Sputnik. ՀՀ բնապահպանության նախարարի պաշտոնակատարը Համաշխարհային բանկի շրջակա միջավայրի և բնական ռեսուրսների տարածաշրջանային տնօրեն Բենուա Բոսկեին ներկայացրել է Հայաստանի կողմից մշակված կլիմայական ֆինանսավորման նորարարական գործիքը: Այս մասին Էրիկ Գրիգորյանը գրել է Facebook-ի իր էջում:
«Համաշխարհային բանկի շրջակա միջավայրի և բնական ռեսուրսների տարածաշրջանային տնօրեն Բենուա Բոսկեին ենք ներկայացնում Հայաստանի կողմից մշակված կլիմայական ֆինանսավորման նորարարական գործիքը, որը կարող է գլոբալ մեխանիզմ դառնալ զարգացող երկրների կլիմայական ֆինանսավորման հարցերի լուծման համար»,- գրել է ՀՀ բնապահպանության նախարարի պաշտոնակատարը։