Ո՞ր քաղաքական ուժերն են առաջատար. ԿԸՀ-ն մշակել է ընտրատեղամասերի մեծ մասի արդյունքները

ԵՐԵՎԱՆ, 10 դեկտեմբերի – Sputnik. ԿԸՀ–ն ամփոփում է դեկտեմբերի 9-ին կայացած ԱԺ արտահերթ ընտրության քվեարկության արդյունքները: Առաջատար ուժերն են «Իմ քայլը» դաշինքն ու «Բարգավաճ Հայաստան» կուսակցությունը։ Առաջատարների եռյակում է նաև «Լուսավոր Հայաստանը»։

Հայաստանի Հանրապետական կուսակցությանը կողմ է քվեարկել 49 776 ընտրող կամ ընտրողների 4.55%–ը,

«Քաղաքացու որոշում» սոցիալ–դեմոկրատական կուսակցությանը` 7313 ընտրող կամ 0.67%–ը,

«Հայ Յեղափոխական դաշնակցություն» կուսակցությանը` 43 247 ընտրող կամ 3.95%–ը,

«Իմ քայլը» դաշինքին` 771 382 ընտրող կամ 70.45%–ը,

«Լուսավոր Հայաստան» կուսակցությանը` 69 347 ընտրող կամ 6.33%–ը,

«Քրիստոնեա-ժողովրդական վերածնունդ» կուսակցությանը` 5602 ընտրող կամ 0.51%–ը,

«Ազգային առաջընթաց» կուսակցությանը` 3606 ընտրող կամ 0.33%–ը,

«Մենք» դաշինքին` 22 280 ընտրող կամ 2. 03%–ը,

«Օրինաց երկիր» կուսակցությանը` 11 054 ընտրող, 1.01%,

«Սասնա ծռեր» համահայկական կուսակցությանը` 19 705 ընտրող կամ 1.80%–ը,

«Բարգավաճ Հայաստան» կուսակցությանը` 91 700 ընտրող կամ 8.37%–ը։

Նշենք, որ վերջնական արդյունքը պարզ կլինի, երբ մշակվեն բոլոր (2010) ընտրատեղամասերի տվյալները։

Կուսակցությունների անցողիկ շեմը 5 տոկոսն է, դաշինքների համար` 7-ը:

ԱԺ արտահերթ ընտրության քվեարկությանը մասնակցել են 1 միլիոն 260 հազար 840 քաղաքացի կամ ընտրողների 48.63%–ը։