ԵՐԵՎԱՆ, 9 դեկտեմբերի — Sputnik. Տղամարդը չի կարողացել քվեարկել Երևանի Ամիրյան փողոցում գտնվող 9/6 ընտրատեղամասում։
Նա առաջիններից էր եկել, վերցրել էր ընտրաթերթիկն ու երկար ժամանակ դուրս չէր գալիս ընտրախցիկից։
Ընտրական հանձնաժողովի ղեկավար Կարինե Սարիբեկյանը հարցրեց`արդյո՞ք նա խնդիրներ ունի, կարող է վա՞տ է տեսնում կամ ինչ-որ այլ խնդիր է առաջացել։
Տղամարդը պատասխանեց, որ չի ճանաչում թեկնածուներից ոչ մեկին։ Նա խնդրեց Սարիբեկյանին օգնել ընտրություն կատարել։ Ընտրական հանձնաժողովի ղեկավարն ասաց, որ դա օրենքի խախտում կլինի։
Տղամարդը ամեն դեպքում մի ծրար գցեց արկղի մեջ, իսկ Sputnik Արմենիայի թղթակցին ասաց, որ այդպես էլ չկարողացավ քվեարկել վարկանիշային ցուցակի համար։
Քաղաքացիական բարձր պատասխանատվություն ունեցող տղամարդը չցանկացավ ներկայանալ, որ «խայտառակ չլինի»։
Նշենք` 9/6 ընտրատեղամասում 1810 ընտրող է գրանցված, –ժամը 8։15–ի դրությամբ երեքն արդեն քվեարկել են։