ԵՐԵՎԱՆ, 9 դեկտեմբերի – Sputnik. ՀՀ ոստիկանության պետ Վալերի Օսիպյանի հրամանով Շիրակի մարզի Սպիտակ քաղաքում ուժեղացվել է հսկողությունը։ Այս մասին հայտնում է ՀՀ ոստիկանության մամուլի ծառայությունը։
«Իրավապաշտպան Արթուր Սաքունցն իր ֆեյսբուքյան էջում գրել է, թե այս պահին Սպիտակ քաղաքում է, և քաղաքի լույսերն անջատված են։ Նշվածի վերաբերյալ հայտնում ենք, որ ՀՀ ոստիկանության պետի հրամանով անմիջապես Սպիտակ քաղաքում ուժեղացվել է հսկողությունը»,– նշված է ոստիկանության հաղորդագրության մեջ։
Բոլոր ընտրատեղամասերի մոտ ոստիկաններ են հերթապահում:
Նշենք, որ 20։00-ին Ազգային ժողովի ընտրության քվեարկությունն ավարտվեց։ Հանձնաժողովների անդամներն այժմ հաշվում են քվեները։