ԵՐԵՎԱՆ, 6 դեկտեմբերի – Sputnik. ՀՀԿ-ի ներսում արշալույսները խաղաղ չեն։ Այս մասին գրում է «Ժողովուրդ» օրաթերթը։
Պարբերականն իր նախորդ համարներից մեկում գրել էր, որ ՀՀ պաշտպանության նախկին նախարար Վիգեն Սարգսյանի` ՀՀԿ ցուցակը գլխավորելու փաստը կուսակցության շատ անդամներ այնքան էլ միանշանակ չեն ընդունել: Եվ ահա, թերթի աղբյուրները պնդում են, որ այդ հակակրանքը գնալով խորանում է։
«ՀՀԿ ներսում Վիգեն Սարգսյանը թեկնածուներին բաժանել է յուրայինների և ոչ յուրայինների: Եվ Սարգսյանի «սիրելիների ակումբը» գործում է արտոնյալ կարգավիճակում»,– գրում է թերթը:
Ըստ պարբերականի` Սարգսյանը սկսել է միանձնյա որոշումներ կայացնել, թե ով ինչ անի, և հատկապես ով ոչինչ չանի, հրապարակային դաշտում ով երևա, ով չերևա: Ու պատահական չէ, որ ՀՀԿ քարոզարշավը տանում են կուսակցության առաջին չորս համարներում ընդգրկված անձինք, իսկ մյուսները մղվել են երրորդական պլան:
Միաժամանակ, ըստ թերթի աղբուրների, Վիգեն Սարգսյանը, հակառակ իր ջանքերին, չի կարողանում ղեկավարել բոլորին. նրան դեռևս ենթարկվում են ցուցակի առաջին 10-15 համարները, իսկ մյուսները՝ ոչ: