ԵՐԵՎԱՆ, 5 դեկտեմբերի — Sputnik. Միլանում մեկնարկեց ԱԳ նախարարի պաշտոնակատար Զոհրաբ Մնացականյանի հանդիպումը ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցիչ Անջեյ Կասպշիկի հետ:
Հիշեցնենք, որ Հայաստանի արտաքին գործերի նախարարի պաշտոնակատար Զոհրաբ Մնացականյանը այսօր Բրյուսելում մասնակցել է «Հաստատակամ_աջակցություն» առաքելության մեջ ներառված ՆԱՏՕ-ի անդամ և ոչ անդամ պետությունների արտաքին գործերի նախարարների հանդիպմանը:
Նա հանդես է եկել ելույթով:
«Աֆղանստանում խաղաղությունն ու կայունությունը կարևոր են առաջին հերթին աֆղան ժողովրդի համար։ Միևնույն ժամանակ այն նաև փորձության է ենթարկում միջազգային հանրության կարողությունը՝ միասնաբար արձագանքելու անվտանգության մարտահրավերներին»,-իր ելույթում նշել էր նախարարը։
Նա հավելել էր, որ Հայաստանն աջակցում է Աֆղանստանում խաղաղության հաստատման գործողություններին սկսած 2010թ. փետրվարից՝ նախ Անվտանգության աջակցության միջազգային ուժերի (ISAF), ապա «Հաստատակամ աջակցություն» առաքելության կազմում:
Այսօր նախանշված է նաև Մնացականյան-Մամեդյարով հանդիպումը: