Մարգարյան. «Նախատեսվող բարեփոխումների փաթեթը քայլ առաջ է»
© Sputnik
Կառավարության ներկայացրած հարկային օրենսգրքում նախատեսվող բարեփոխումների փաթեթը քայլ առաջ է։ Այս մասին Sputnik Արմենիայի հետ զրույցում ասել է Ինովացիոն և ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը։
«Հիմնական հարկատեսակների գծով` շահութահարկի, եկամտահարկի, ակցիզային հարկի, կան որոշակի նորամուծություններ, որոնք տարբեր ազդեցություն կարող են թողնել բյուջետային իրավիճակի, գործարար դաշտի վրա։ Բոլոր առումներով կան որոշակի նոր նշաձողեր, որոնք արժե, իհարկե, քննարկել ու գնահատականներ տալ»,– ասել է Մարգարյանը։
Հիշեցնենք` ներկայացված բարեփոխումներով ակցիզային հարկ է նախատեսվում կիրառել շաքարի բարձր պարունակություն (5%-ից ավել) ունեցող ըմպելիքների, էլեկտրոնային ծխախոտների նկատմամբ։