ԵՐԵՎԱՆ, 5 դեկտեմբերի — Sputnik. Ամերիկահայ գործարար Ալեքսիս Օհանյանը Instagram–ի իր էջում լուսանկար է հրապարակել Արարատ լեռան հիանալի տեսարանով։
Լուսանկարում երևում է, որ Օհանյանն ընկերների հետ հին ԵրԱԶ ավտոմեքենայի մոտ ինչ–որ բան է խմում, ամենայն հավանականությամբ, աստվածաշնչյան լեռան վեհության կենացը։
«Տոնում ենք վեհությունը», – լուսանկարի տակ գրել է Օհանյանը։
Գրառումը 20 ժամում հավաքել է ավելի քան 6,5 հազար «հավանում»։
«Հիասքանչ տեսարան», «Իմ ամենասիրելի տեսարանը», «Բացարձակ կատարելություն», «Հիանալի է». նման մեկնաբանություններ են գրել բաժանորդները։
Երևում է, Ալեքսիսը շատ է կարոտում իր պատմական հայրենիքը` Հայաստանը։
Ավելի վաղ` հունիսի 27-ին, Օհանյանը ժամանել էր իր պատմական հայրենիք` Հայաստան։ Նա ԵրԱԶ-ով հասցրել էր շրջել հանրապետությունում։ Օհանյանն ընկերների հետ պիկնիկ էր կազմակերպել, գաթա և բաստուրմա համտեսել։
Ավելի ուշ Ալեքսիսը այցելել էր տեղի շուկաներից մեկը, որտեղ բաժանորդներին ցույց էր տվել հայկական պահածոներն ու կանաչեղենը։