Հայաստանի եզդի համայնքը գեղեցիկ նվեր էր պատրաստել Նիկոլ Փաշինյանի համար

ԵՐԵՎԱՆ, 4 դեկտեմբերի — Sputnik. ԱԺ արտահերթ ընտրությունների նախընտրական քարոզարշավի շրջանակում Ծաղկահովիտի եզդի համայնքն անսովոր նվեր է մատուցել «Իմ քայլը» դաշինքի առաջնորդ, ՀՀ վարչապետի պաշտոնակատար Նիկոլ Փաշինյանին։

«Ծաղկահովիտի եզդի համայնքի նվերը. շնորհակալ եմ:)»,–նկարը տեղադրելով Ֆեյսբուք սոցիալական էջում գրել է Փաշինյանը։

Լուսանկարում սև ու սպիտակ փափլիկ շունիկ է պատկերված։

Հիշեցնենք` ՀՀ ԱԺ խորհրդարանական ընտրությունները կկայանան դեկտեմբերի 9–ին։ Քարոզարշավը մեկնարկել է նոյեմբերի 26–ին։