ԵՐԵՎԱՆ, 4 դեկտեմբերի — Sputnik. Գերմանացի բռնցքամարտիկ, աշխարհի նախկին չեմպիոն Մարկուս Բայերը մահացել է 47 տարեկան հասակում ծանր ու կարճ տևած հիվանդության հետևանքով։
Այս մասին հայտնում է Boxing News–ը։
Մայերը մահացել է Բեռլինի հիվանդանոցներից մեկում։ Մահվան հստակ պատճառը հայտնի չէ։
«Բայերը հիանալի անձնավորություն էր։ Նրա մահվան մասին լուրը ուժեղ հարված էր», – ասել է գերմանացու նախկին մարզիչ Ուլլի Վեգները։
Բեյերը պրոֆեսիոնալ բռնցքամարտիկ էր 1996 – 2008 թվականներին։ Նա 35 մարտում հաղթել է, երեք անգամ պարտվել ու մեկ անգամ ոչ ոքի ավարտել հանդիպումը։
Գերմանացին Բռնցքամարտի համաշխարհային խորհրդի(WBC) վարկածով միջին քաշային կարգում երեք անգամ աշխարհի չեմպիոն է դարձել։
Իր համար վերջին մարտի ժամանակ միավորներով հաղթել էր ռուսաստանցի Մուրադ Մախմուդովին։ Բացի այդ` նա երկու անգամ ելույթ էր ունեցել Օլիմպիական խաղերում` 1992 ու 1996 թվականներին։