ԵՐԵՎԱՆ, 3 դեկտեմբերի — Sputnik. Քեմբրիջի համալսարանի լեզվաբանները կարճամետրաժ ֆիլմ են նկարել մեռած բաբելոներենով։ Այս մասին գրում է Daily Mail–ը։
«Աղքատ մարդը Նիպուրից» ֆիլմը պատմում է մի պատանու մասին, որը որոշել է իր այծի սպանության համար վրեժ լուծել քաղաքագլխից։
«Մահացած լեզվի հնչյունների վերականգնումն ինչ–որ առումով արվեստ է։ Մեր բախտը բերել է, որ մենք հունական այբուբենում բաբելոներենի տառադարձություն ունենք։ Բացի այդ, բաբելոներենը սերտորեն կապված է արաբերենի և եբրայերենի հետ, ինչը նույնպես օգնել է մեր գործում, քանի որ սեմական լեզուների հնչյունները, որպես կանոն, ավելի կայուն են, քան հնդեվրոպական լեզուներինը», – պատմել է լեզվաբանների խմբի ղեկավար պրոֆեսոր Մարտին Ուորտինգտոնը։
20–րոպեանոց ֆիլմում գործողությունը տեղի է ունենում 2000 տարի առաջ, և բոլոր հերոսները բացառապես խոսում են բաբելոներեն, որն օգտագործվել է Միջագետքի երկրներում։