ԵՐԵՎԱՆ, 30 նոյեմբերի — Sputnik. Հայաստանում շատ լուրջ ներդրումային ծրագրեր կան։ Այսօր Չարենցավանում, նախընտրական հանդիպման ժամանակ հայտարարեց ՀՀ վարչապետի պաշտոնակատար, «Իմ քայլը» դաշինքի համամասնական ցուցակը գլխավորող Նիկոլ Փաշինյանը։
«Այսօր կառավարությունը ժամը 14։00 «Էկոտեխպրոմ» ընկերության հետ հուշագիր է ստորագրել` 285-340 մլն դոլարի ներդրման, որը մտադիր է 100 հա արդյունաբերական տարածք ունեցող համալիր ստեղծել, այն ունենալու է 1100-1200 աշխատող»,– ասաց Փաշինյանը։
Նրա խոսքով` 2019թ.–ին կմեկնարկեն նախագծման աշխատանքները, 2022թ.–ին գործարանը կգործարկվի։
Ապագա գործարանն արտադրելու է սոդա, տեխնիկական աղ ու ապակի։
Փաշինյանը վստահեցրեց, որ ծրագիրը միակը չէ, կան այլ ներդրումային նախագծեր ևս, որոնց կառավարությունը պատրաստ է աջակցել։