ԵՐԵՎԱՆ, 29 նոյեմբերի — Sputnik. «Ռոբերտ Քոչարյանի որդիները ոչ մի գիշեր չեն անցկացրել որևէ զորամասում»: Այս մասին հայտարարեց ՀՀ վարչապետի պաշտոնակատար, «Իմ քայլը» դաշինքի 1-ին համար Նիկոլ Փաշինյանը Գեղարքունիքի Ճամբարակ համայնքում դաշինքի քարոզարշավի ժամանակ:
«Ես ՀՀ առաջին ղեկավարն եմ, ում որդին զինվորական ծառայություն է անցնում Արցախում: Ասում են` Ռոբերտ Քոչարյանի որդիներն էլ են ծառայել: Ես պաշտոնական տեղեկանք եմ ուզել Քոչարյանի որդիների ծառայության մասին: Եվ հիմա պաշտոնապես ասում եմ, որ Քոչարյանի որդիները «ծառայել են» Երևանում և ոչ մի գիշեր չեն անցկացրել որևէ զորամասում»,–ասաց Փաշինյանը:
Նրա հավաստմամբ` ՀՀ 2–րդ նախագահի մի որդին ծառայել է պաշտպանության նախարարության վարչական մասում, մյուս որդին էլ ձևակերպված է եղել որպես վարորդ: