ԵՐԵՎԱՆ, 24 նոյեմբերի – Sputnik. Երևանում մեկնարկել է ՀՀ վարչապետի պաշտոնակատար Նիկոլ Փաշինյանի կազմակերպած քայլերթը։
Կփորձենք անցնել վարչական բոլոր շրջաններով. Նիկոլ Փաշինյանը քայլում է Երևանի փողոցներով
© Sputnik / Asatur Yesayants
Լրագրողների հետ զրույցում Փաշինյանն ասաց, որ կփորձեն անցնել ամբողջ Երևանով. ամեն ինչ կախված է մարդկանց ֆիզիկական վիճակից։ Նա ավելացրեց, որ նման ակցիաներ ժամանակ առ ժամանակ կանցկացվեն նաև Ազգային ժողովի ընտրությունից հետո։
Վարչապետի պաշտոնակատարը քայլերթի է դուրս եկել «դուխով» գլխարկով, ձեռքին` բարձրախոս, նա ժամանակ առ ժամանակ մարդկանց հորդորում է միանալ իրենց։ Երթը մեկնարկել է Նոր Նորքից։
Կփորձենք անցնել վարչական բոլոր շրջաններով. Նիկոլ Փաշինյանը քայլում է Երևանի փողոցներով
© Sputnik / Asatur Yesayants
Հիշեցնենք, որ Ազգային ժողովի արտահերթ ընտրությունը նախատեսված է դեկտեմբերի 9-ին։