ԵՐԵՎԱՆ, 19 նոյեմբերի — Sputnik. «Սպիտակ» ֆիլմը Գրան պրի և «Հանդիսատեսի համակրանք» մրցանակ է ստացել Տորոնտոյում անցկացվող Pomegranate ամենամյա հայկական միջազգային կինոփառատոնին։ Այս մասին Facebook –ի իր էջում գրել է ֆիլմի սցենարիստ Մարինա Սոչինսկայան։
«Փառատոնն առաջին անգամ կայացել է 2006 թվականին Կանադայի Տորոնտո քաղաքում։ Այն կազմակերպել է «Համազգային հայ կրթական և մշակութային միությունը»։ Ավանդույթի համաձայն` փառատոնին կարող են մասնակցել ֆիլմեր, որոնք ստեղծվել են հայերի անմիջական մասնակցությամբ կամ հայկական թեմա են շոշափում։
«Տորոնտոն մերն է։ «Սպիտակը» գրան պրի է ստացել, և որն ամենահաճելին է` հանդիսատեսի մրցանակը։ Այժմ կարևորը 12-ժամյա վերադարձի թռիչքին դիմանալն է, համբուրել Մոսկվայի հողը, իսկ հետո ինչ լինում է, լինի», – գրել է Սոչինսկայան` իր գրառման մեջ նշելով ֆիլմի ռեժիսոր Ալեքսանդր Կոտտին։
«Սպիտակ» ֆիլմը պատմում է Հայաստանում տեղի ունեցած ավերիչ երկրաշարժի մասին, որը տեղի է ունեցել 1988 թվականի դեկտեմբերի 7-ին։ Այն մի տղամարդու պատմություն է, որը լավագույն կյանքի փնտրտուքներով լքելում է Հայաստանը, ապա վերադառնում է երկրաշարժից հետո, որպեսզի գտնի իր տունն ու ընտանիքը։