ԵՐԵՎԱՆ, 19 նոյեմբերի — Sputnik. Բուլղարահայ հայտնի ռուսաստանցի երգիչ Ալեքսեյ Չումակովը սեր է խոստովանել իր երկրպագուներին և հուզիչ գրառում կատարել Instagram–ի իր էջում։
Անցած հանգստյան օրերին երգիչը երկու ժամանոց համերգ է տվել Crocus City Hall–ում, հայտնի հյուրերից համերգին ներկա էին Ալսուն, Արթուր Ջանիբեկյանի կինը` Էլինան և հայրենական էստրադայի մի շարք այլ ներկայացուցիչներ։
«Շնորհակալություն բոլորիդ` երեկվա տոնի համար։ Դուք ներշնչանքս եք։ Իմաստը։ Իմ Երաժշտությունը։ Խոնարհվում եմ յուրաքանչյուրիդ առջև, նրանց, առջև, ովքեր եկել էին համերգին։ Հավատում եմ, որ ձեզ ավելի երջանիկ դարձրեցինք այս 3 ժամվա ընթացքում։ Սիրում եմ բոլորիդ։ Շնորհակալություն Աստծուն ձեզնից յուրաքանչյուրի համար, սիրելի ունկնդիրներ», – գրել է Չումակովը։
Աստղի բաժանորդներն իրենց հերթին նշել են, որ համերգն անմոռանալի էր դահլիճում հիասքանչ մթնոլորտ էր տիրում։
«Ամբողջ դահլիճը լալիս էր «Մայրիկները, հայրիկները չեն մահանում» երգի ժամանակ, այսօր ամբողջ օր երգում եմ այդ երգը։ Շնորհակալություն հիանալի երեկոյի համար», – խոստովանել է Գայանե Թադևոսյանը։
«Հիանալի էր, հիացած եմ, սիրո այնպիսի էներգիա կար, անհավանական էր», – գրել է linngard1982–ը։
Հիշեցնենք, որ Չումակովի երակներում նաև հայի արյուն է հոսում։ Նա ծնվել է 1981 թ. Ուզբեկստանում։ Մայրը՝ Լիլիա Ավանեսովնան, հայ է, ծնունդով Լեռնային Ղարաբաղից։ 2003 թվականին Չումակովը դարձել է «Ռոսիա 1» հեռուստաալիքի «Ժողովրդական արտիստ» երաժշտական ռեալիթի շոուի առաջին շրջանի մրցանակակիր։ 2013 թվականին ճանաչվել է ռուսական Առաջին ալիքի «Один в один!» հեռուստաշոուի առաջին եթերաշրջանի հաղթող։ 2014 թվականին ընդգրկված է եղել «Ռոսիա-1» հեռուստաալիքով ցուցադրվող այդ շոուի երկրորդ շրջանի ժյուրիի կազմում։