ԵՐԵՎԱՆ, 13 նոյեմբերի – Sputnik. ՀՀ նախագահ Արմեն Սարգսյանը հետ է կանչել Լեհաստանում և Լիբանանում Հայաստանի դեսպաններին։ Այս մասին նշված է նախագահի պաշտոնական կայքում։
Լեհաստանից հետ է կանչվել դեսպան Էդգար Ղազարյանը, Լիբանանից` Սամվել Մկրտչյանը։
Փաստաթղթերում նշված է, որ Սարգսյանը դեսպաններին հետ է կանչել վարչապետի առաջարկով։
Սարգսյանը նաև ևս երկու հրամանագիր է ստորագրել, որոնց համաձայն` Լեհաստանի դեսպան է նշանակվել Սամվել Մկրտչյանը, իսկ Լիբանանում` Վահագն Աթաբեկյանը։
Նախագահը հրամանագրերը ստորագրել է այսօր` նոյեմբերի 13-ին։