ԵՐԵՎԱՆ, 11 նոյեմբերի — Sputnik. ՀԱՊԿ գլխավոր քարտուղարի պաշտոնի կորուստն անհաջողություն կլինի Հայաստանի համար, լրագրողներին ասաց Հայաստանի պաշտպանության նախկին նախարար Վիգեն Սարգսյանը ՀՀԿ խորհրդի նիստից հետո։
«Մեր կառավարությունն ամեն ինչ պետք է անի, որպեսզի թույլ չտա գլխավոր քարտուղարի պաշտոնի կորուստ դեկտեմբերի 6-ին։ Եթե մենք դեկտեմբերի 6-ին բաց թողնենք պաշտոնը, ապա դա մեծ անհաջողություն կլինի», - ասաց Սարգսյանը։
Նա նշեց, որ այդ ռիսկը պետք էր հաշվի առնել Յուրի Խաչատուրովի դեմ գործողություններից առաջ։
Նա նշեց, որ նախկին իշխանությունները մեծ ջանքեր էին գործադրել, որպեսզի Հայաստանի ներկայացուցիչները ղեկավար պաշտոններ զբաղեցնեն ՀԱՊԿ-ում և ԵՏՀ-ում, և դա մեծ առավելություն է տվել Երևանին։
«Կարծում եմ, որ յուրաքանչյուրը պետք է հասկանա, թե ինչպիսի ճնշում է եղել արցախյան պատերազմն անցած գեներալին ՀԱՊԿ գլխավոր քարտուղարի պաշտոնում նշանակելու ժամանակ», - ասաց Սարգսյանը։
Աստանայում ՀԱՊԿ առաջնորդների բանակցությունները նոյեմբերի 8-ին տևել են ավելի քան երեք ժամ։ Առաջին անգամ կազմակերպության պատմության ընթացքում դրա անդամները քննարկել են գլխավոր քարտուղարին վաղաժամկետ փոխարինելու հարցը։ Գագաթնաժողովին մասնակցել են ՀԱՊԿ հինգ անդամ երկրների նախագահները․ Բելառուս, Ղազախստան, Ղրղըզստան, Տաջիկստան, Ռուսաստան, Հայաստան։