Մաթևոսյան. «Արմավիրի մարզում չարաշահումները շատ են»
© Sputnik
Արմավիրի մարզպետարանում ուսումնասիրությունները շարունակվում են։ Մարզպետ Համբարձում Մաթևոսյանն այսօր լրագրողներին հայտնեց, որ դրանց արդյունքում արդեն խոշոր չարաշահումներ են հայտնաբերվել։
«Կոնկրետ նախկին մարզպետի ժամանակ տեղի ունեցած խնդիրները բացահայտման փուլում են։ Անձի հետ չեմ ուզում կապել այդ ամենը, բայց ընդհանուր ուսումնասիրություններ կան»,– ասաց մարզպետը։
Նրա խոսքով` ուսումնասիրությունները դեռ չեն ավարտվել։ Դրանց վերջնական արդյունքներն առաջիկայում կներկայացվեն քննչական մարմիններին։
Համբարձում Մաթևոսյանն Արմավիրի մարզպետի պաշտոնում նշանակվել էր 2018 թ. հոկտեմբերին ՀՀ կառավարության որոշմամբ։ Մինչ թավշյա հեղափոխությունը 2006 թ. դեկտեմբերի 8-ից Արմավիրի մարզը ղեկավարում էր ՀՀԿ անդամ Աշոտ Ղահրամանյանը