ԵՐԵՎԱՆ, 8 նոյեմբերի – Sputnik. Երևան-Սևան ավտոճանապարհի աջակողմյան հատվածում կառուցվող նորակառույց շենքի շինհրապարակում բետոնե սյունը պոկվել է վերամբարձ կռունկի վրայից և ընկել շինհրապարակում աշխատող տղամարդու վրա։ Այս մասին հայտնում է shamshyan.com–ը։
Դեպքը տեղի է ունեցել այսօր` նոյեմբերի 8-ին, ժամը 11։00-ի սահմանում։
Ոստիկաններն ու քննիչները նշված շինհրապարակում հայտնաբերել են 68-ամյա Աշոտ Եղիազարյանի դին։ Նրա գլուխն ամբողջությամբ վնասված է եղել։
Քննիչի որոշմամբ նշանակվել են մի շարք փորձաքննություններ։